АЛМАТЫ ШЫҰ ЕЛДЕРІНЕН ИНВЕСТОРЛАРДЫ ТАРТУДА.
Almaty Invest күн энергетикасы, өндірістік аккумуляторлар мен кабель өнімдерін шығару, сондай-ақ қонақ үй инфрақұрылымы мен шағын қонақ үйлерді дамыту салаларында жұмыс істейтін ШЫҰ елдері компанияларының делегациясымен кездесу өткізді.
Кездесу барысында қатысушыларға Алматы қаласының инвестициялық әлеуеті, инвесторларға көрсетілетін мемлекеттік қолдау шаралары, сондай-ақ Алматы индустриялық аймағының, Арнайы экономикалық аймақтың және қаланың жаңа даму аумақтарының артықшылықтары туралы ақпарат ұсынылды.
Тараптар бірлескен жобаларды іске асыру, өндірістерді локализациялау және халықаралық компаниялардың қатысуымен іскерлік байланыстарды кеңейту перспективаларын талқылады. Алматы өңірдің негізгі инвестициялық және өнеркәсіптік алаңдарының бірі ретіндегі позициясын нығайтуды жалғастыруда.
