Алматыда ТМД-дағы алғашқы көбелектер паркі ашылады.

Алматы қаласында түркиялық Demed Group инвесторының қатысуымен тірі көбелектер паркін құру жөніндегі бірегей жоба жүзеге асырылмақ. Осыған сәйкес қала атынан Almaty Invest ұйымымен өзара түсіністік туралы меморандумға қол қойылды.
Жоба аясында тірі көбелектер экспозициясы бар заманауи жабық кеңістік, білім беру және зерттеу аймақтары, сондай-ақ келушілерге арналған инфрақұрылым қарастырылған. Жобаның ТМД елдерінде баламасы жоқ.
Инвестиция көлемі шамамен 20 млн АҚШ долларын құрайды. Жобаны іске асыру туризм мен креативті индустриялардың дамуына, экологиялық ағартуға және жаңа жұмыс орындарын құруға ықпал етеді.