АЛМАТЫ ДЕЛЕГАЦИЯСЫНЫҢ ЧЭНДУ ҚАЛАСЫНА ІСКЕРЛІК САПАРЫ 🇰🇿🇨🇳
Алматы қаласының әкімі тапсырмасына сәйкес инвестициялық ынтымақтастықты дамыту мақсатында Almaty Invest басшылығы Чэнду қаласына жұмыс сапарымен барды.
Сапар аясында Чэнду қаласының өнеркәсіп министрімен, Кәсіпкерлер қауымдастығымен және өңірдің ірі бизнес өкілдерімен кездесулер өтті. Индустриялық-инновациялық жобалар, сауда-экономикалық байланыстарды кеңейту және серіктестіктің жаңа форматтары талқыланды.
Инвестициялар мен сауда саласында бірлесіп жұмыс істеу жөнінде уағдаластықтарға қол жеткізілді.
Қытай тарапы Алматының саяси орталықтарының мастер-жоспарларына қызығушылық танытып, сондай-ақ туризмді тартатын нысандар салуды жоспарлап отыр.
Алматының шақыруымен тамыз айында Чэнду қаласының 100-ден астам жетекші компаниясы қатысатын ауқымды көрме өткізу жоспарлануда. Бұл қалалар арасындағы іскерлік байланыстарды нығайтудың маңызды қадамы болмақ.
Алматы қаласы шетелдік инвестицияларды тарту бойынша жүйелі жұмысын жалғастыруда.
