Almaty Invest Оңтүстік-Шығыс Азия елдерінің іскерлік қауымдастығымен байланыстарын нығайтуда.

24 ақпанда т.г. Almaty Invest компаниясы Қазақстан Республикасының АСЕАН елдеріндегі Сыртқы сауда палатасының Арнайы өкілі Серік Амировпен кездесу өткізді.

Кездесу барысында Серік Амиров АСЕАН елдері мен Қазақстан арасындағы ынтымақтастықты тереңдетудің стратегиялық маңызын атап өтіп, көлік бағыттарының әлеуетін кеңейту және экономикалық өсімді ынталандыру мүмкіндіктеріне тоқталды.

Кездесу қорытындысы бойынша 2026 жылғы наурыз айында Тайланд бизнес өкілдерімен онлайн форматта B2B-сессия өткізу, вьетнамдық серіктестермен бұрын талқыланған жобаларды қолдау, сондай-ақ 2026 жылғы наурыз–сәуір айларында Оңтүстік-Шығыс Азия елдерінен келетін бизнес-делегациялар сапарларын бірлесіп ұйымдастыру туралы келісімге қол жеткізілді.