АЛМАТЫ SOHO GROUP КОМПАНИЯСЫМЕН ИНВЕСТИЦИЯЛЫҚ ЫНТЫМАҚТАСТЫҚТЫ НЫҒАЙТУДА.

Almaty Invest өкілдері SOHO Group компаниялар тобының өкілдерімен кездесу өткізді. Аталған компания Цзянсу провинциясындағы ең ірі мемлекеттік компаниялардың бірі болып саналады, әлемнің 160-тан астам елінде қызмет жүргізіп, әртараптандырылған бизнес портфеліне ие.
Кездесу барысында қытай тарапы Алматы қаласында девелоперлік және туристік жобаларды жүзеге асыруға қызығушылық танытты.
Almaty Invest өкілдері Алматы қаласының инвестициялық әлеуетін, инвесторларға ұсынылатын мемлекеттік қолдау шараларын таныстырып, сондай-ақ қалалық инфрақұрылымды дамыту перспективалары туралы ақпарат берді.