ALMATY INVEST ПЕН БОЛГАРИЯ IT ЖӘНЕ ЖАСАНДЫ ИНТЕЛЛЕКТ САЛАСЫНДАҒЫ ЫНТЫМАҚТАСТЫҚТЫ ТАЛҚЫЛАДЫ

Almaty Invest Болгария Республикасының сауда-экономикалық мәселелер жөніндегі кеңесшісімен кездесу өткізді.

Тараптар Алматының IT, инновациялар және жасанды интеллект (AI) экожүйесін дамыту салаларындағы ынтымақтастық перспективаларын талқылады. Әсіресе қазақстандық және болгариялық технологиялық компаниялар арасында серіктестік орнату, сондай-ақ бірлескен жобаларды іске асыру және тәжірибе алмасу мүмкіндіктеріне ерекше назар аударылды.

Болгария тарапы елдің жетекші IT-компанияларымен байланыс орнатуға қолдау көрсетуге дайын екенін білдірді. Өз кезегінде Almaty Invest қаланың цифрлық экономиканы дамыту және халықаралық технологиялық серіктестерді тарту бағытындағы негізгі бастамаларын таныстырды.