ALMATY INVEST OPENAI КОМПАНИЯСЫМЕН СЕРІКТЕСТІКТІ ДАМЫТУДЫ ЖАЛҒАСТЫРУДА
Алматы мен OpenAI арасындағы диалог жаңа деңгейге көтерілуде.
Бұған дейін Almaty Invest делегациясы Сан-Францискодағы Кремний алқабына барып, OpenAI және жасанды интеллект саласындағы өзге де жетекші әлемдік компаниялардың басшылығымен келіссөздер жүргізген болатын. Қол жеткізілген уағдаластықтардың жалғасы ретінде OpenAI командасы Алматыға шақырылып, қала әкімі деңгейінде кездесу өтті.
Келіссөздер барысында білім беру саласындағы, жасанды интеллект технологияларын енгізу және экономиканың басқа да салаларындағы бірлескен жобаларды іске асыру перспективалары талқыланды. Жасанды интеллектті дамыту Қазақстанның басым бағыттарының бірі болып табылады. Осыған байланысты тараптар AI экожүйесін дамытуға бағытталған бірлескен жобаларды жүзеге асыруға өзара мүдделі екенін растады.
