ALMATY INVEST CECC CLUB ДЕЛЕГАЦИЯСЫМЕН КЕЗДЕСУ ӨТКІЗДІ
Almaty Invest Қытайдың ірі бизнес-қоғамдастықтарының бірі — CECC CLUB-пен ынтымақтастықты нығайтуда.
Almaty Invest Қытайдағы ең ірі бизнес-платформалардың бірі саналатын CECC CLUB (Chinese Entrepreneurs Commerce Club) делегациясын қабылдады.
Клубтың құрамына 9 000-нан астам кәсіпорын, 300-ден астам жария компания және жетекші өнеркәсіптік әрі инвестициялық ұйымдардың басшылары кіреді.
Кездесу барысында бір үстел басына инвестициялық шешім қабылдайтын тұлғалар – бизнес иелері, директорлар кеңесінің төрағалары, бас директорлар және инвесторлар жиналды. Дәл осындай кездесулер болашақ жобалардың бастауына айналып, тікелей диалог орнатуға және ұзақ мерзімді әріптестіктің негізін қалауға мүмкіндік береді.
Делегация мүшелері Алматының стратегиялық жобаларына, өндірістерді жергіліктендіру мүмкіндіктеріне, индустриялық инфрақұрылымды дамытуға, цифрлық экономикаға және жоғары технологиялық өндірістерге ерекше қызығушылық танытты. Қала үшін мұндай өзара іс-қимыл инвестициялық әлеуетті бизнесін кеңейтуге, жаңа нарықтарға шығуға және ұзақ мерзімді инвестиция салуға дайын компанияларға тікелей таныстырудың маңызды алаңы болып табылады.
Делегация құрамында Young Presidents’ Organization (YPO) ұйымының мүшесі әрі Harvard Business School жанындағы Owner/President Management (OPM) бағдарламасының түлегі Stephen Yue де болды. Оның қатысуы кездесудің халықаралық мәртебесін арттырып, әлемдік бизнес көшбасшыларымен жұмыс істеудегі мол тәжірибесі мен стратегиялық даму жөніндегі сарапшылық көзқарасы пікір алмасуды жаңа деңгейге көтерді.
Кездесу Алматы мен Қытай бизнес-қоғамдастығы арасындағы инвестициялық ынтымақтастықты одан әрі дамытуға және экономиканың басым салаларында бірлескен жобаларды іске асыруға жаңа мүмкіндіктер қалыптастыру жолындағы маңызды қадам болды.
