АЛМАТЫ ДЕЛЕГАЦИЯСЫНЫҢ ШАНХАЙҒА ІСКЕРЛІК САПАРЫ
Almaty Invest басшылығының Шанхай қаласына жұмыс сапары жүзеге асырылып, ол инвестициялық ынтымақтастықты дамытуға және қытайлық серіктестермен іскерлік байланыстарды нығайтуға бағытталды.
Сапар аясында делегация Азиядағы ең ірі алаңдардың бірі саналатын AWE 2026 (Appliance & Electronics World Expo) халықаралық көрмесіне қатысты. Көрмеде тұтынушылық электроника және инновациялық технологиялар саласындағы озық жетістіктер ұсынылды.
Көрме барысында 300-ден астам инновациялық өнім мен әлемдік деңгейдегі 100-ден астам бірегей негізгі технология таныстырылды. Бұл Dreame компаниясының технологиялар арқылы адамзаттың дамуына және қоғамның өркендеуіне үлес қосуға, жаңа белестерді бағындыруға ұмтылысын көрсетеді.
Сапар қорытындысы бойынша компаниялар мен салалық ұйымдардың өкілдерімен келіссөздер жүргізіліп, олардың барысында ынтымақтастық перспективалары, тәжірибе алмасу және бірлескен инвестициялық жобаларды іске асыру мәселелері талқыланды.
