ҚАЗАҚСТАН ДЕЛЕГАЦИЯСЫНЫҢ СЕУЛГЕ ІСКЕРЛІК САПАРЫ
Қазақстан Республикасы Сыртқы істер министрлігінің Инвестициялар комитетінің жетекшілігімен халықаралық инвестициялық ынтымақтастықты нығайту және екіжақты экономикалық байланыстарды дамыту мақсатында қазақстандық делегацияның Сеул қаласына жұмыс сапары өтті.
Делегация құрамында Almaty Invest қатысты.
Сапар аясында Корея Республикасының мемлекеттік құрылымдарының, бизнес қауымдастығының және Сеулдің жетекші компанияларының өкілдерімен кездесулер өтті. Тараптар инвестициялар, инновациялар, урбанистика және технологиялық даму салаларындағы ынтымақтастық перспективаларын талқылады.
Almaty Invest Алматы қаласының инвестициялық ахуалын және шетелдік инвесторларға арналған мемлекеттік қолдау шараларын таныстырды.
Алматының стратегиялық жобаларына кореялық инвестицияларды тарту, сондай-ақ жоғары технологиялар мен қалалық инфрақұрылым салаларындағы бірлескен бастамаларды дамыту мәселелеріне ерекше назар аударылды.
Корея тарапы Алматының инвестициялық әлеуетіне және бірлескен жобаларды іске асыру мүмкіндіктеріне жоғары қызығушылық танытты.
Алматы халықаралық ынтымақтастықты кеңейту және шетелдік инвестицияларды тарту бағытындағы жүйелі жұмысын жалғастыруда.
