Автобөлшектерді өндіруші Youngsan (Корея Республикасы) жаңа Almaty Autoparts Production зауытында автокреслолардың сериялық өндірісі басталғанын ресми түрде хабарлады

2025 жылғы 7 наурызда Қазақстандық «Астана Моторс» компаниясы және Youngsan (Корея Республикасы) автокомпоненттерін өндіруші Алматының индустриялық аймағында орналасқан Almaty autoparts Production жаңа зауытында автомобиль орындықтарын жаппай шығарудың басталғаны туралы ресми түрде жариялады.
Ашылу салтанатына Қазақстан Республикасы Өнеркәсіп және құрылыс министрлігі Өнеркәсіп комитетінің төрағасы А. Панбаевтың, Алматы қаласы әкімінің орынбасары А. Абдыкадыровтың, Youngsan төрағасы Пак Чон Бомның және «Астана Моторс» компаниясының негізін қалаушы Н. Смагуловтың және «Almaty Business Development Copmany» басқарма төрағасы А. Рамазанның, Алматы қаласындағы «Kazakh Invest» АҚ Надыров Ж., «Алматы индустриялық аймағы» ЖШС Басқарма төрағасының м. а. Тұяқов А. қатысты.
Зауыттың өндірістік үй-жайларында ауданы 4850 шаршы метр полиуретанды көбік (пеноформ) бұйымдарын өндіру желісі орнатылған. Өндірісте қолданылатын заманауи технологиялар жоғары сапалы автокөлік орындықтарын шығаруға мүмкіндік береді. Орындықтарды өндіру үшін Корея Республикасынан компоненттер мен шикізат, соның ішінде көбік өндіруге арналған сұйық шикізат, сондай-ақ рамалар, орындықтарды қаптау, пластикалық элементтер сияқты компоненттер қолданылады.
Зауыт қызметкерлері үшін Youngsan компаниясының тәжірибелі мамандарын оқыту маңызды кезең болды. Кәсіпорын қызметкерлері сонымен қатар кореялық инженерлермен бірге жабдықты орнатуға және теңшеуге қатысты, бұл сапа мен өнімнің жоғары стандарттарын қамтамасыз етеді

Фото:
«Астана Моторс»