АЛМАТЫ ҮНДІСТАНМЕН ЫНТЫМАҚТАСТЫҚТЫ КҮШЕЙТУДЕ
Бүгін Алматыда қала әкімі Дархан Сатыбалды мен фармацевтика және денсаулық сақтау саласындағы Үндістан бизнес делегациясының қатысуымен іскерлік форум өтті.
Үндістан – Қазақстанның негізгі серіктестерінің бірі және әлемдегі ең ірі экономикасының бірі. 2025 жылдың қорытындысы бойынша екі ел арасындағы тауар айналымы шамамен 840 млн АҚШ долларын құраған, ал Үндістаннан келетін инвестиция көлемі 562 млн АҚШ долларынан асты.
Фармацевтикалық саланы дамытуға ерекше назар аударылды. Қазіргі уақытта Үндістан Қазақстанға дәрі-дәрмек жеткізетін негізгі елдердің бірі болып табылады, нарық тұрақты өсім көрсетуде.
Алматы ынтымақтастықты жаңа деңгейге көтеруді ұсынады — импорттан өндірісті локализациялауға көшу, оның ішінде бірлескен кәсіпорындарды іске қосу, ҒЗТКЖ дамыту және технологияларды трансфертеу.
Қала инвестициялық жобаларды іске асыру үшін инфрақұрылым, қолдау шаралары және толық сүйемелдеу көрсетуге дайын.
